http://www.irekia.euskadi.net/eu/events/11630
2012(e)ko Uztailak 09, 11:00 2012(e)ko Uztailak 09, 11:30 (Prentsaurrekoa) Eusko Jaurlaritzak Gobernu Irekiaren arloko aditurik onenak bildu ditu EHUren udako ikastaro batean(Prentsaurrekoa) Eusko Jaurlaritzak Gobernu Irekiaren arloko aditurik onenak bildu ditu EHUren udako ikastaro batean
Gobernu Irekiaren nozioak, teknologia berrien eskutik iristen zaizkigun aukera amaigabeekin lotuta, zentzu osoa izango du datozen urteetan. Gobernuan jarduteko modu berritzaile honek hiru oinarri ditu —gardentasuna, partaidetza eta lankidetza—, eta eslogan huts izateari utzi dio, milurteko berriak behar duen herri-administrazioa diseinatzeko eta ulertzeko klabeetako bat bihurtu baita. Eusko Jaurlaritza 2009an zuzenean hasi zen lanean aldaketa hori lortzeko, eta urte hauetan eskarmentu garrantzitsu esportagarria eta oso interesgarria lortu du, bai esparru akademikorako, bai eremu horretara sartzera animatzen ari diren beste gobernu batzuentzat. Hori dela eta, Gobernu Irekirako eta Interneteko Komunikaziorako Zuzendaritzak Espainian gai honi buruz egingo den lehenengo ikastaroa antolatuko du, Euskal Herriko Unibertsitatearen Udako Ikastaroen barruan, uztailaren 11n, 12an eta 13an, Donostiako Miramar Jauregian. Patxi López lehendakariak egingo du ikastaroari hasiera emango dion hitzaldia.
Egitaraua ikuspuntu praktikotik prestatu da, eta gardentasunaren eta irekitzearen balioak nazioartean (Open Knowledge Foundation) nahiz estatu-mailan (Access Info Europe, Civio Fundazioa) ezagutzera ematen laguntzen ari diren erakundeen ordezkariak barne hartzen ditu.