Irekiak datuen kazetaritzari buruzko ikastaroa antolatu du ekainaren 18tik 21era
- bideoak
- argazkiak
Irekiak eta Open Data Euskadik bezala gardentasunez jokatzeak eta datu publikoak irekitzeak kazetaritzaren sektorerako eskaintzen dituen aukerak erakustea du helburu
Civio Herritar Fundazioak, datuen kazetaritzaren prestakuntzan adituak, prestakuntza-saioak egingo ditu datu publikoak (berr)erabiltzeko eta erakusteko interesa duten pertsona edo kazetari guztientzat ekainaren 18tik (astelehena) 21era (osteguna). Beharrezkoa da datuen eta informazioaren bilaketa, analisi eta bistaratze prozesu horren inguruko gutxieneko prestakuntza izatea, eta hori da ikastaro honek sortzen hasi nahi duena. Bada, 1. mailako bost orduko sei saio egongo dira (egun bakoitzean bi) Gasteizen (ekainak 18, astelehena), Donostian (ekainak 19, asteartea) eta Bilbon (ekainak 20, asteazkena), goizez (10:00-15:00) eta arratsaldez (16:00-21:00). Ekainaren 21ean, ostegunez, 2. mailako (maila aurreratua) lau orduko bi saio egingo dira Bilbon, ordutegi berean. Kazetari bakoitzak 1. mailako saio batean parte hartu ahalko du, eta 2. mailako saio batean ere izena eman ahalko du, arlo horretan sakondu nahi badu. Interesdun guztiek irekia@ej-gv.es emailera idatziz izena eman ahalko dute. Ikastaroa doakoa da, baina toki-kopuru mugatua dago.
Euskadiko Gobernu Irekia martxan jarri dela-eta, besteak beste, informazio publikoa herritarrentzat eskuragarri jartzeko modua aldatu egin du, eta, horren harira, bereziki garrantzitsua da hedabideen papera, agente erabakigarriak baitira herritarren gardentasunaren eta partaidetzaren oinarriak ezagutzera emateko. Gainera, Irekia eta Open Data Euskadi atariek datu ugari jartzen dituzte eskuragarri, kazetariek beren eguneroko lanean erabil ditzaten.
Baliteke egitarauan ordutegi- edo iraupen-aldaketak egotea, baina gai hauek jorratuko dira:
1. mailako edukia – Kasu praktikoa berrerabili daitezkeen datuekin (Astelehena-Asteartea-Asteazkena)
10:00-11:00 – Irekiaren eta Open data Euskadiren aurkezpena
11:00-11:30 – Zer da datuen kazetaritza. Adibideak. Prestakuntzarako sarrera.
11:30-11:45 - Atsedenaldia
11:45-12:30 – Datuak garbitzea Google Refine-rekin
12:30-13:30 - Analisi sinplea Excel-ekin
13:30-13:45 - Atsedenaldia
13:45-15:00 – Historia bat dugu: nola kontatzen dugu eta nola ikusten ditugu datuak
2. mailako edukia – Kasu praktikoa formatu bateraezinak dituzten datuekin (Osteguna)
10:30-10:45 - Kasuaren aurkezpena
10:45-11:45 - Zer egin datuak ezin badira berriro erabili (scraping, eraldaketa eta garbiketa “sakona”)
11:45-12:00 - Atsedenaldia
12:00-13:00 - Analisi aurreratua Excel erabiliz (pivot tables, bi dataset bateratzea)
13:00-13:15 - Atsedenaldia
13:15-14:30 - Bistaratze aurreratua
Civiok eskarmentu luzea du datuen kazetaritzaren trebakuntzan. Antzeko ikastaroak eta masterrak eskaintzen ditu hainbat unibertsitatetan, Madrilgo Universidad Complutensen eta Rey Juan Carlosen, bestean beste. Ikastaroa David Cabo-k eta Mar Cabra-k eskainiko dute.
Politikariak
Beste gonbidatu batzuk
- Irekia
Berri honen iruzkinen RSSa