berria
·
Jon Azkuek EAEko artisau-flotaren premiei erantzuteko konpromisoa duela nabarmendu du
- bideoak
- argazkiak
Gaur inauguratu du Santurtziko Arrantzaleen kofradia, eta Eusko Jaurlaritzak 850.000 euro bideratu ditu kofradia horren gaikuntzara
Arrantza eta Elikadura Industrietako sailburuorde Jon Azkuek "EAEko arrantzako artisau-flotaren premiei erantzuteko eta gure sektoreak itsasoko eta lurreko jardunean dituen lan-baldintzak hobetzeko konpromisoa" nabarmendu du.
Jon Azkuek Santurtzin egin ditu adierazpen horiek; horrela, Arrantza eta Akuikulturako zuzendari Jokin Díazekin batera, Bizkaiko herri horretako Arrantzaleen Kofradiaren inauguraziora joan da Jon Azkue; Eusko Jaurlaritzak guztira 850.000 euro bideratu ditu kofradia horren gaikuntzara. Gaur egun, zortzi itsasontzik dute Santurtziko portuan oinarri-portua.
Sailburuordeak San Pedro jaiengatik zoriondu du sektorea, eta horretaz gain, Kofradiak "lurreko lan-baldintzak eta arrantza-salmentarako baldintzak hobetzen" lagunduko duela adierazi du; izan ere, "bereziki gaituriko postuetan salduko da arraina instalazio honetan".
Horretaz gain, Azkuek udalerriko sardina-saltzaileei egindako omenaldian ere hartu du parte; Santurtziko sardina-saltzaileek, arraina aire zabalean saldu ordez, Kofradiaren barnean egingo dute lan hori aurrerantzean. Horri dagokionez, Eusko Jaurlaritzak "sektore horretako emakumeen lan-baldintzak duin bihurtzea" erabaki duela ere nabarmendu du, "saregileen baldintzekin egin dugun bezala".
Politikariak
Beste gonbidatu batzuk
- Jon Azkue, Jokin Diaz
Berri honen iruzkinen RSSa