Irekiatik nabigatu zure iPhone eta Android sistemarekin
- bideoak
- argazkiak
Gaurtik aurrera, Eusko Jaurlaritzaren parte-hartzerako orrialdetik nabigatu daiteke telefono mugikorraren bitartez
Badago aukera www.irekia.euskadi.net webgunera telefono mugikorren bitartez iristeko. Gaurtik aurrera, Eusko Jaurlaritzaren parte-hartzerako orrialdearen bertsio bat dago eskura iPhone eta Android telefonoetan. Erraz instalatzen den tresna berri honekin, herritarrak Irekiara konekta daitezke edozein lekutatik, beren telefono mugikorrarekin soilik.
Irekia iPhone eta Androidera iritsi da. Gaurtik aurrera, www.irekia.euskadi.net orrialdetik nabigatu daiteke eta bertan eskaintzen diren eduki batzuetara iritsi iPhone eta Android telefono mugikorren bitartez. Tresna berri honek bidea ematen du Eusko Jaurlaritzaren parte-hartzerako webgunearekin konektatzeko edozein lekutatik; baldintza bakarra da iPhone edo Android telefono mugikorra izatea eskura.
Hori lortzeko prozesua oso erraza da. Egin behar den gauza bakarra da esploratzaile bat irekitzea eta nabigatzailearen barran helbide hau idaztea: http://irekia.euskadi.net/eu/iphone edo http://irekia.euskadi.net/eu/android.
Onartzen dugunean, esploratzailearen orrialde berri batean Irekiaren iPhone/androidarentzako bertsioa irekitzen da.
Hortik aurrera, nahi izanez gero, iPhoneren kasuan + ikurraren gainean saka dezakezu (pantailaren beheko partean), eta agertzen den goitibeherako menuan “hasierako pantailari gehitu” aukeratu. Horren ostean, beste pantaila bat agertzen zaigu ikonoarekin eta aplikazioarentzako izen batekin (berez Irekia agertzen da). “Gehitu” sakatzen dugu (pantailaren goiko partearen eskuinean dagoen ikonoa) eta badago instalatuta.
Androidaren kasuan, zure faboritoetan erantsi dezakezu.
Zure mugikorrarekin Irekiatik nabigatzera!!!
Deskargak
- Audioak
- Bideoak
- Argazkiak (16)
Berri honen iruzkinen RSSa