Eusko Jaurlaritzak ETAren biktimen ‘Memoriaren mapa’ sortuko du
Mapak banda terroristak indarkeriazko ekintzak egin dituen lekuak islatuko ditu.
Herrizaingo sailburuaren arabera, "berandu baino lehen", Jaurlaritzak eta gizarteak bat eginda, "amaiera emango diogu ETAri". "Ezker abertzalearekin zorrotz jokatu behar dugu", gaineratu du, "horren sirena-kantuek atzipetzen utzi gabe".
Eusko Jaurlaritzak ‘Memoriaren mapa’ martxan jarriko du. Mapak banda terroristak indarkeriazko ekintzak egin dituen lekuak islatuko ditu.
Herrizaingo sailburua, Rodolfo Ares, izan da ekimenaren berri eman duena eta “berandu baino lehen ETArekin bukatuko dugu” adierazi du.
Gainera, autonomia exekutiboak ezker abertzaleak egin duen azkeneko proposamena berrirakurri duela baieztatu du. Rodolfo Aresek alderdi politikoei eskatu die adierazpen horiek alde batera uztea eta “horren sirena-kantuekin atzipetzen ez uztea”.
Aresen arabera, “erradikal abertzaleak ez dute adierazi zehaztasunez ETAtik bereizi nahi direla, modu horretan politika, eta soilik politika egiteko, giza eskubideak, jokoaren arauak eta legalitatea errespetatuz”.
Babes Zibileko Euskal Agentzia
Eusko Jaurlaritzak ere Larrialdietarako Babes Zibileko eta Meteorologiako Euskal Agentzia martxan jarri du. Proiektu “oso garrantzitsua” da herrizaingo sailburuaren arabera, egoitzak exekutiboak larrialdietan, meteorologian eta babes zibilean dituen eskuduntza guztiak bildu nahi dituelako sortu daitezkeen hondamendiei erantzun eraginkorragoa emateko edo, herritarrei materia hauetan informazio gehiago emateko helburuarekin.
Rodolfo Aresek esan du proiektu honekin “babes zibilaren eta larrialdietako kudeaketan erreferente izatea” lortu nahi dela.
Halaber, Agentzietan langileen prestakuntzarako eskola bat sortuko da.
Politikariak
Beste gonbidatu batzuk
- Herrizaingo sailburua, Rodolfo Ares
Berri honen iruzkinen RSSa