XXI. mendeko sozialdemokraziari buruz hitz egingo du lehendakariak Londresen
Lehendakaria Londresera eta Oxforrera joango da martxoaren 7an eta 8an hitzaldi bat emateko eta ISIS zentroa bisitatzeko.
Lehendakariak martxoaren 7an Londresen hitzaldi ziklo bat irekiko du “Sozialdemokrazia. XXI. mendea” titulupeko hitzaldi batekin. Londreseko egonaldia erabiliko du Isabel Celaá Hezkuntza, Unibertsitate eta Ikerketa sailburuarekin batera ISISeko Neutroi-Espalazioaren Iturrira hurbiltzeko eta euskal enpresen presentzia handia duen proiektua gertutik ezagutzeko.
London School of Economics entzutetsuan inauguratuko du lehendakariak hitzaldi ziklo hori; hurrengo hitzaldia maiatzaren 11n izango da eta Rafael Bengoa Osasun sailburuak emango du euskal osasun sistemari buruz (Osasun sisteman aldatuz. Euskadiko ikuspuntua). Urrian Mondragon Internazionaleko arduradunak kooperatibei buruz hitzegingo du. Lehendakariak sozialdemokraziari buruz eta ongizate estatuaren garrantziaz hitzegingo du “Euskadi: modernoa, sozialki kohesionatua eta talde erantzunkizunean oinarritua” deituriko zikloaren barruan.
Hurrengo egunean, lehendakaria ISIS Neutroi-Espalazioaren Iturrira egingo duten bisitaren buru izango da; bisitaldian euskal industriak eraikitako difraktometro bat entregatuko da, MICINN eta ESS-Bilborekin hitzartutako akordioaren barruan. HiPR azken generazioko difraktometro bat da, presio oso altuen eraginpean 250.000 atmosferetaraino lana egiteko optimizatua dagoena.
Berri honen iruzkinen RSSa