Hasiera ·
Berriak ·
Cristóbal Balenciaga Museoa inauguratu da

http://www.irekia.euskadi.net/eu/news/6354

berria

· Lehendakaritza

Orrialdea entzun

2011(e)ko Ekainak 07 0

Cristóbal Balenciaga Museoa inauguratu da

bideoak
argazkiak

Video Cristóbal Balenciaga Museoa inauguratu da

Cristóbal Balenciaga Museoa inauguratu da [1:00]

Cristóbal Balenciaga Museoa inauguratu da Iturria: Irekia

Balenciaga Museoa, barrutik Iturria: Irekia

Argazki galeria izkutatu

Cristóbal Balenciaga Museoa inauguratu da Iturria: Irekia

Museoak ekainaren 10ean irekiko ditu ateak jendaurrean

Patxi López lehendakariak eta Espainiako erregina buru izan dira inaugurazio ekitaldian. Cristóbal Balenciaga Museoak, munduan jostun bati eskainita eta ezaugarri horiekin egindako lehen museoak. Cristóbal Balenciaga Eizaguirre jostun eta sortzailea garai guztietako diseinatzailerik onenetakoa izan zen, eta dagoeneko badu bere bizitza eta lanbidea ezagutarazteko ezinbesteko erreferentzia. Jendaurrean ireki aurretik, Espainiako erregina, erakundeetako agintari nagusiak eta modako eta kulturako ordezkariak ofizialki inauguratu dute museoa.

Cristobal Balenciaga Fundazioaren ekimenez sortu da museoa, diseinatzailea bera eta haren lana sustatu, ezagutarazi eta bultzatzeko xedez; izan ere, Balenciaga oso pertsonaia garrantzitsua izan zen sorkuntza artistikoari aldetik, oro har, eta modaren eta goi-joskintzaren ikuspuntutik, zehazki.

Cristóbal Balenciaga Fundazioa 1999an eratu zuten Getariako Udalak eta Kultura Ministerioak, eta, 2010eko irailean, Eusko Jaurlaritzak eta Gipuzkoako Foru Aldundiak bat egin zuten ekimenarekin. Fundazioak jostun-sortzaile bikainaren bilduma paregabea gordetzen du. Soineko eta osagarrien artean 90 pieza hautatu dira arreta handiz, ekainaren 10etik aurrera txandakako erakusketa batean ikusgai jartzeko.

Bildumako piezen artean, Europako errege-erreginentzat eta aristokraziarentzat egindako sorkuntzak daude. Azpimarratzekoak dira Belgikako Fabiola erreginaren ezkontzako soinekoa, Grace Kellyren jantzi batzuk eta nazioarteko kulturako eta politikako ordezkarientzat zein aberats handientzat egindakoak, hala nola Monna Bismarcken eta Rachel Mellonen soinekoak eta Hubert de Givenchyren bilduma pertsonala.

Bi eraikin Cristóbal Balenciaga Museoarentzat

Getariako Aldamar parkean kokatutako museoak bi eraikin ditu: bata Aldamar jauregi historikoa da, XIX. mendeko eraikin monumentala, Casa Torres markesek udako bizileku izan zutena; bestea eraikin berria da eta aurrekoari mendebaldeko fatxadatik atxikita dago.

Cristóbal Balenciaga Museoaren arkitektura nagusian hiru espazio bereizten dira: bisitariari eskainitako espazio zentrala, espazio didaktikoa eta administrazio-espazioa.Aldamar jauregiak aldi baterako erakusketak eta dokumentazio-zentroa hartuko ditu barne.

Baterako finantzaketa

Museoa egiteko 30 milioi euro inbertitu dira, obren lehen eta bigarren faseetako gastuak, proiektu museografikoarenak eta orain arte abian jarritako ekimenenak kontuan hartuta. Ekarpenak honela daude banatuta: % 30 Kultura Ministerioak jarri du, % 35 Eusko Jaurlaritzak eta beste % 35 Gipuzkoako Foru Aldundiak. Getariako Udalak lurzoruaren erabilera-eskubideak laga ditu.