Euskal sistema judiziala, Espainian jarraitu nahi den eredua
- bideoak
- argazkiak
Justizia Ministerioak Euskadik modernizazio judizialaren alorrean, Bulego Judizial Berria abian jarri ondoren, lortu duen esperientzia baliatu nahi du.
Idoia Mendia Justizia eta Herri Administrazio sailburua, gaur Madrilen bildu da Alberto Ruiz Gallardón Justizia ministroarekin. Mahaiaren gainean, datozen urteotan Justiziaren alorrean jorratuko diren legegintza aldaketak.
Sailburuak Justizia Ministerioarekin elkarlanean aritzearen garrantzia azpimarratu du, Espainian justiziaren antolaketa berri baterako “gakoak” diren eta legealdi honetan jorratuko diren legegintza erreforma guztiak ezagutzeko.
Mendiak gogorarazi du Euskadik abian jarri duela bulego judizial berria, metodo “berezi eta berezko” batekin.
Idoia Mendiaren eta Ruiz Gallardón-en arteko bileraren ondoko prentsaurrekoan, Justizia sailburuak adierazi du ministroari bitartekotzaren gaia planteatu diola, Euskadik horretan aurrerapausoak eman nahi baititu, jurisdikzio guztietan, merkataritzakoan izan ezik.
Bilerak, era berean, adopzio irregularren gaiari buruz hitz egiteko ere balio izan du, Euskadik, Espainiako gainerako erkidegoekin alderatuta, salaketa indize “oso altuak” baititu. Mendiak ministroari jakinarazi dio Euskadin lapurtutako haurtxoen kasuak argitzeko asmoa duen Departamentuarteko Batzorde bat eratu dela. Sailburuak Euskadiren eta gobernu zentralaren arteko elkarlana nabarmendu du, gai horri erantzuna emateko.
Berri honen iruzkinen RSSa