2015erako Zientzai, Teknologia eta Berrikuntza Planari buruzko Agerraldia
- bideoak
- argazkiak
Lehendakaritzako Idazkari Nagusia, Manu Salinero, Legebiltzarreko batzordean agertu da bihar, 2015erako Zientzia, Teknologia eta Berrikuntza Plana azaltzeko. Berarekin batera agertu dira Unibertsitate eta Ikerketa sailburuordea, Pedro Luis Arias, Berrikuntza eta Teknologia sailburuordea, Juan Ignacio Goicolea, eta Kalitate, Ikerketa eta Berrikuntza sailburuordea, Olga Isabel Rivera.
2015erako Zientzia, Teknologia eta Berrikuntza Planak (PCTi2015) Eusko Jaurlaritzaren jarduna planifikatzen du 2015era arte, gure gizarteak lortu dituen ongizate eta bizi-kalitate mailak bermatzeko eta hobetzeko funtsezkotzat jotzen diren alor horietan, zientzia, teknologia eta berrikuntzan oinarritutako hazkunde eredu berri bat bultzatzearen bitartez. Planaren gidaria Lehendakaritza izan da, baina beraren prestatze-lanean beste sail hauek ere aritu dira: Hezkuntza, Unibertsitate eta Berrikuntza; Lan eta Gizarte Gaiak; Industria, Berrikuntza, Merkataritza eta Turismoa; Ingurumena, Lurralde Plangintza, Nekazaritza eta Arrantza; Osasuna eta Kontsumoa; eta Ekonomia eta Ogasuna, hiru foru aldundiez gain.
Hala, plan berrian identifikatu eta aukeratzen dira euskal enpresentzat potentziala duten arloak, merkatu-aukerak sortu ditzaten jokaleku global batean, alegia: zahartzea, energia; garraioa eta mugikortasuna; mundu digitala, eta zientziaren industria; halaber, 9 helburu eta 22 ildo estrategiko ezartzen ditu, dagozkien programa eta jarduera-tresnekin.
Politikariak
-
Olga Isabel Rivera Hernáez
Kalitate, Ikerketa eta Berrikuntza Sanitarioko sailburuordea
Beste gonbidatu batzuk
- Secretario General de la Presidencia Viceconsejero de Universidades e Investigación, Viceconsejero de Innovación y Tecnología, y Viceconsejera de Calidad, Investigación e Innovación
Berri honen iruzkinen RSSa