
Eusko Jaurlaritzako langile publikoen % 71,9k greba egin du
Bilboko Guardiako Epaitegiaren eraikinean, bi ertzain zauritu dituzte
Miguel Buen, Segurtasuneko Sailburuordeak; Juan Carlos Aramos, Funtzio Publikoaren Sailburuordeak eta Sonia Perez, Lan Sailburuordeak agerraldi bat egin dute gaur goizean Bilbon, greba orokorrak Euskadin izan duen eraginari buruzko xehetasunak emateko. Hasierako datuen arabera, Eusko Jaurlaritzako langileen % 71,9 ez da lanera joan gaur goizean
Miguel Buenek adierazi du istilu edo gorabehera gehienak Araban gertatu direla, gutxiago Bizkaian, eta gutxien, Gipuzkoan. Zortzi pertsona atxilotu dituzte, eta 10 pertsonari iskanbilak egotzi dizkiete.
Goizaldean barrikadak eta greba-piketeak gertatu dira, gurpilak zulatu dituzte, eta errepide batzuk moztu ere egin dira.
Gorabehera larriena 12:15ak aldera gertatu da, Bilboko Guardiako Epaitegiko eraikinean. Bi ertzain zauritu dituzte, "objektu mingarriekin" eraso egin dietelako. Agerraldian, Buen jaunak adierazi du ordu horretan, ertzainetako bat konorterik gabe zegoela oraindik.


Berri honen iruzkinen RSSa